د\نبيل فاروق من اكثر الكتاب و مؤلفين القصص القصيرة التى احب القراءة لهم
فالدكتور نبيل فاروق قد ترك مهنته كطبيب للتفرغ فى امتاعنا بالكتابة
فهو كاتب روايات "ملف المستقبل"
الرجل المستحيل
التى حازت على حب و انتباه الكثير من شباب العرب و الخليج
و قد ملئتني سعادة غامرة وفرح مذبهل عندما وجدت للكاتب نبيل فاروق
عمود فى جريدة الدستور
والعمود تحت اسم
عمود نور
و كتب في عموده فى عدد 21سبتمبر (ايوة انا بحب اقرا الجرايد القديمة)..
موضوع تحت اسم على قفانا
و هى عبارة عن نكتتين
واصفا النكتاتين بانهما
نكتتان يرددهما الناس و يضحكون لهما فى اعمق اعماق قلوبهم و هما فى الواقع عبارة عن مقالات سياسي
النكتة الاولى تتحدث عن الامن و القهر و تقول
ان رجلا محترما
دخل قسم الشرطة و حاول ان يطلب حقه
فلم يعجب هذا البية الظابط فصاح بالشاويش فى غضب "خذ الراجل دة اضربه"و ثار الرجل
وقال انه رجل محترم و لا يمكن ان يضربه شاويش او حتى لواء و لكن
الشاويش اقتاده فى صرامة الى السطح
حيث يتم الضرب و بينما هما فى طريقهما
نادى ضابط اخر الشاويش و اعطاه متهما و
قال فى صرامة "خد دة افقع له عينه"و بعدها
ناداه ضابط اخر و ناوله متهما ثالثا قائلا"خد دة اقطع رجلية "و هنا
رتب الرجل المحترم على كتف الشاويش قائلا
"اوعى تنسي و تتلخبط يا شاويش انا الى هتضربونى""
..................................
اعتقد ان المغزى وصل
لكن
ياترى الظباط دول اية الى حصلهم عشان يعملوا كدة فى البنى ادمين
دة حتى احنا مصريين زى بعض
يعنى دة هوس الظباط ولا دة نتيجة للى بيحصلهم فى تدريبهم و لا عندهم حاجة نفسية ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
النكتةالتانية فى وقت اخر
ع فكرة انا استخدمت كلمة بدل كلمة تانية فى النكتة
عشان هى صعبة شوية
20 comments:
السلام عليكم
ازيك ؟ وكل سنه وانتى طيبه
دى اول زياره واول رد كمان لا ده كتير عليا
حلو البلوج اوى وعجبنى اوى السلايد شو بتاع الاهلى
والبوست كمان جميل والنكته اجمل
وكويس انهم هيضربوه بس يحمد ربنا بقى ربنا يستر علينا
شوفى يا رندا هى البلد بقى مالهاش رابط
خلاص الحكومه وصلت فكرها للشعب يمكن أجبرتهم على التعامل بنفس الطريقه
فعلا فى حاجه غريبه فى موضوع الظباط بقى ظابط ده يعنى قهر وظلم وياااه بقى لو مصاحب ظابط ولا تعرف ظابط كانك بقيت فى مجلس الشعب وعندك حصانه
حاجه صعبه جدا
طبعا المغزى واضح من النكته
تحياتى بوست جميل
السلام عليكم
أزيك ياقمر كل سنه وأنتى طيبه وبخير يارب
وضحكتينى والله ههههههههه
بس تعرفى هم يضحك وهم يبكى سبحان الله
أحنا شعب بنألف نكت من المأساه اللى أحنا فيها علشان نضحك شعب بيحب الضحك فى عز المحن
ولا شك أن نبيل فاروق كاتب جميل جدا
وتماااااااام يا فندم
تحياتى بسيط بس جميل أوى بجد
نكته معبره فعلاً عن الوضع المأساوى اللى بنعيشه
ربنا يسترها معانا
ومستنيين النكته التانية
جميل ماشاء الله
حسبى الله ونعم الوكيل فيهم
لا تحسبن الله غافلا عما يعمل الظالمون ولكن يؤخرهم ليوم تشخص فية الابصار
صدق الله العظيم
يلا سلام عليكم
بسم الله الرحمن الرحيم
بعد الصلاة والسلام على النبي الكريم
السلام عليكم ورحمة الله وبركاته
يااااااااه..........أخيرا هأكتب رد على مدونة راندا
الله أكبر
و الله يا بنت انا مش عارفة كل لما اجي اكتب
النت يفصل..........المدونة تعلق
يالا
وتقريبا ..........الحمد لله أول رد ليا على حاجة باحبها جدا
د.نبيل فاروق وكتاباته
أنتي عارفة أنا عندي جزء كبير جدا من سلسلة رجل المستحيل ادهم صبري
بصراحة يمكن ده راجع لحبي الشديد وأني متيمة بالسياسة
وربما لأن عالم المخابرات الذي يكتب عنه د.فاروق مثير جدا
لكن بصراحة بيفقعني المبالغات بتاعته
مش عارفة ضرب كام واحد بكف أيده ............وكلهم ماتوا
والجبل وقع فوق دماغه لكن ربنا سبحانه وتعالى ستر
مش معقول كل مرة الرجال اللي مش بيموت ده
لا إله الإ الله
هيموت برده
بس ياكل عيش منين د.نبيل فاروق بعدها
هههههههههههه
عموما تدوينة جميلة وموفقة إن شاء الله يا قمر
وكل سنة وأنتي طيبة بمناسبة عيد الفطر المبارك
والسلام عليكم ورحمة الله وبركاته
السلام عليكم
اولا كل عام وانتم بخير
ثانيا احنا مستنيين النكتة التانية
:)
ثالثا عايزين جديـــد
كل ما ادخل على المدونة الاقى نفس البوست
اتمنى يكون المانع عن الكتابة خير ان شاء الله
يا لسخرية القدر
مش كان يوسف وهبى بيقول كده
انا لسه سامع النكته الأولينا دى الناهدرة
Good posting, thank you.
North-American terrorism killed yesterday more 19 innocent Iraqis. 8 children, 7 women and 4 men. They all were at its house to be dedormir. North-American terrorism continues to kill out of the innocent ones. The honest world and exempted EC what will finish with North-American terrorism. David Santos
سوكة
و عليكم السلام
انا تمام الحمد لله
و كل سنة و انتىطيبة
و نورتى المدونة و عاوزاكى ع طول تنوريها كدة
طبعا مش للاهلى لازم يبقى جامد
اه طبعا الحمد لله انه هيضرب مش اكتر
و شكرا على المرور
وعد العيون
نورت يا باشا
مهو احنا بندور على الرباطاالى هيستخدمه الرابط حاليا
اما موضوع الضابط دة هو انا بقول هى هيستريا يمكن
معرفش
و شكرا على المرور
حياة الاحلام
ازيك يا قمر
و انتى طيبة
المشكلة ان دلوقتى الهم الى بيبكى بقى اكتر من الهم الى بيضحك
طيب يعمل اية
مهو شعب طيب مووت
و سلام كبير لاستاذ نبيل فاروق
mo3az
نورت المدونة و نورتنا وكل سنة و انت طيب
و انا اسفة على تاخير التدوينه الجديدة
طلحاوى
اهلا و سهلا
فعلا حسبي الله و نعم الوكيل
نهولتى
نهلة خطت بيديها و جاءت الى هنا
كل سنة و انتى طيبة
و طبعا دكتور نبيل كاتب رائع جدا
و بعدين لازم المبالغات يا نهلة
امال يفقعك ازاى يعنى؟
جمعاوى روش طحن
اهلا و سهلا
وكل سنة و انت طيب
سبحان الله
يالا اديك قريت النكتة و سمعتها كمان
mr.david
thank you for your comment
i hope to see u here again
اللى حصل
اننا هانت علينا انفسنا و حريتنا و عزنا فهانت على الاخرين انفسنا و حريتنا و كرامتنا
دة اللى حصل
و مش حنرجع الا لما نرجع دول
تحياتى اليكم و الى تدوينتك
و على فكره انا ايضا اقرا للدكتور نبيل
هههههههههههههه حلوه النكته وجميله جدا الرقابه بتاعتك دى
دا حال حاجه صغيره جدا ف البلد
ح اقولك على حاجه كمان
انا ليا اعز اصدقائى ظابط...اخلاق جدا جدا بس هو نفسه عارف انه واحد على مليون اللى كدا
واعرف ناس دفعتى زباله بمعنى الكلمه
الحياه كدا وكفايه على كل واحد فينا انه يبقى نضيف لعل وعسى الناس التانيه تتعدى مننا
انا ملاحظ انك بقالك كتير مش بتعملى بوست هنا؟؟ انتى عزلتى ولا ايه؟؟
سألت الجيران قالولى مانعرفش عزلوا فين
لو عزلتى قولى العنوان الجديد
Post a Comment