يادى النيلة!!!!!!! كله من دة

يادى النيلة

.مش عارف

هو انا قليل البخت

ولا قليل الحيلة

كل ما أقول قربت خلاص

ألاقى السكة لسه طويلة

يادى النيلة

ده انا م الصبح بعدل فيها

بأى وسيلة

و كل ما احاول افرح

تطلع منى الضحكة حزينة

بص بقى هو الحظ

و الدنيا بجد بجد بخيلة

هى الناس مبقتش بتفرح ليه

فى المواسم

حتى كل سنة و انت طيب

بقت تقيلة

و لكن عارف

رغم الخوف و النار

و السكينة

لسه بلدنا

فيها حاجة جميلة

(من جريدة الدستور(منقول)

ياترى لسه بلدنا فيها حاجة جميلة ؟

ولو ايوة لس البلد بخير

امال لية نسبة الهجرة زادت الفترة دى جدا؟

ولية كتير من الشباب بيدفع بنفسه للهلاك و للذل للسفر خارج البلد؟

الحياة مدرسة و الشاطر من يتعلم منها

الامثال و الحكم

اكتر الحاجات الى بتاخد عقلى و بتخلى عقلى يلف فيها كتير

انا بحبها جدا

لانها بتعبر عن واقع الحياة و عن المنطق

الذى كثير منا ينساه

المثل او الحكمة

بالرغم من انها عبارة عن بضع من الكلمات

الى انها تعنى الكثير و الكثير

و من الاخر انا هضع مجموعة من الحكم

وكل واحد يقولى اية اكتر مثل اوحكمة حس بصد قها جدا فى حياته

كلام المرء ميزان عقله

الصمت إجابة بارعة لا يتقنها الكثيرون

الحب الذي يتغذى بالهدايا ، يبقى جائعا على الدوام

--------------------------

ما من ظالم إلا سيبلى بظالم

--------------------------

يوم السرور قصير

---------------------------

فإن قليل الحب بالعقل صالح وإن كثير الحب بالجهل فاسد

--------------------------

اللهم قني شر أصدقائي أما أعدائي فأنا كفيل بهم

---------------------------

من لم يكن ذئبا أكلته الذئاب

-------------------------

من غلبه الهوى فليس لعقله سلطان

---------------------------

لسانك حصانك إن صنته صانك، وإن هنته هانك

------------------------

من بلغ السبعين اشتكى من غير علة

------------------------

النفس مولعة بحب العاجل

------------------------

ملكت نفسي يوم ملكت منطقي

---------------------------

الندم على السكوت خير من الندم على القول

--------------------------

قلب المرأة يرى أكثر من عيون عشرة رجال

------------------------------

اسأل المرأة مرة أو مرتين فإن لم تأخذ بوجهة نظرك فاقتنع أنت بوجهة نظرها

(و( اقوم بتقديم شديد اعتذارى و اسفى عن اختفائي فى الفترة السابقة

خد بالك يا شاويش.....................معلش شقاوة شعب

د\نبيل فاروق من اكثر الكتاب و مؤلفين القصص القصيرة التى احب القراءة لهم

فالدكتور نبيل فاروق قد ترك مهنته كطبيب للتفرغ فى امتاعنا بالكتابة

فهو كاتب روايات "ملف المستقبل"

الرجل المستحيل

التى حازت على حب و انتباه الكثير من شباب العرب و الخليج

و قد ملئتني سعادة غامرة وفرح مذبهل عندما وجدت للكاتب نبيل فاروق

عمود فى جريدة الدستور

والعمود تحت اسم

عمود نور

و كتب في عموده فى عدد 21سبتمبر (ايوة انا بحب اقرا الجرايد القديمة)..

موضوع تحت اسم على قفانا

و هى عبارة عن نكتتين

واصفا النكتاتين بانهما

نكتتان يرددهما الناس و يضحكون لهما فى اعمق اعماق قلوبهم و هما فى الواقع عبارة عن مقالات سياسي

النكتة الاولى تتحدث عن الامن و القهر و تقول

ان رجلا محترما

دخل قسم الشرطة و حاول ان يطلب حقه

فلم يعجب هذا البية الظابط فصاح بالشاويش فى غضب "خذ الراجل دة اضربه"و ثار الرجل

وقال انه رجل محترم و لا يمكن ان يضربه شاويش او حتى لواء و لكن

الشاويش اقتاده فى صرامة الى السطح

حيث يتم الضرب و بينما هما فى طريقهما

نادى ضابط اخر الشاويش و اعطاه متهما و

قال فى صرامة "خد دة افقع له عينه"و بعدها

ناداه ضابط اخر و ناوله متهما ثالثا قائلا"خد دة اقطع رجلية "و هنا

رتب الرجل المحترم على كتف الشاويش قائلا

"اوعى تنسي و تتلخبط يا شاويش انا الى هتضربونى""

..................................

اعتقد ان المغزى وصل

لكن

ياترى الظباط دول اية الى حصلهم عشان يعملوا كدة فى البنى ادمين

دة حتى احنا مصريين زى بعض

يعنى دة هوس الظباط ولا دة نتيجة للى بيحصلهم فى تدريبهم و لا عندهم حاجة نفسية ؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

النكتةالتانية فى وقت اخر

ع فكرة انا استخدمت كلمة بدل كلمة تانية فى النكتة

عشان هى صعبة شوية

كل رمضان و انتم الى الله اقرب

هل هلالك شهر مبارك

رمضان جانا

مين جاب الفانوس؟

وحوى يا وحوى

حل علينا شهر من الاشهر المباركة

بما فيه من سعى لمحاولة التقرب من الله

و فعل الخير

كل رمضان و انتم الى الله اقرب

مين بدأ استعداداته لشهر رمضان المبارك؟

انا مش قصدى استعدادات الاكل و الحلويات

انا قصدى استعدادات نفسية

بدأتوا تجهزو نفسكوا لاستقبال الشهر دة ولا لس؟

كما قال الشيخ محمود المصرى

شهر رمضان كالامتحان

الامتحان دة وقته مش محدد

ثوانى

دقايق

ساعات

ايام

وفى اى وقت ممكن يتاخد منك ورقة الامتحان

شوف بقى انت

جاوبت اد اية فى الامتحان دة ؟

شوف هتلحق تحل اد اية قبل ما تنسحب الورقة منك؟

ياترى جاوبت بما ينجحك ؟

ام لا؟

كذلك شهر رمضان!!!!!!!!!!

ياترى هتستغله صح و لا

هيضيع عليك ؟

و يارب يارب نسعى فى الشهر المبارك و نتقرب الى الله اكثر

و يكون الشهر دة بمثابة اليقظة بعد الغفلة الطويلة

ودلوقتى هسيبكوا مع اللينك دة

هيقولكوا

اد اية فرحتى برمضان

http://www.bo2loz.com/cards/create.php?card_id=12

ولو صدعتوا

خدو كيتوفان كويس

بيعمل مفعول

عاوز حقى......فين حقى؟

فيلم عاوز حقى
بطولة هانى رمزى و هند صبري و عصام كريكا
اخراج"معرفش"
مش موضوعنا
موضوعى بقى
قصة الفيلم

هو الفيلم قديم شوية انا عارفه

بس الانسان لما يتفرج على الفيلم مرة بعد مرة بيفهم اكتر مغزى الفيلم

اللى هى

the theme

الفيلم بيدور حول قصة شاب حالته المادية متعسرة و صعبة زى كل الشباب دلوقتى و الشغل اللى بيشتغله مش بيجيب همه على رأيي ما بيقولوا

و هو بيحب وفاء اللى هى هند صبري و حالهم زى معظم حالات المخطوبين

مش عارفين يكونوا عش الزوجية لعدم توافر الاموال

لذا يحدث صدام بين صابر الطيب(هانى رمزى)و بين خطيبته بسبب طول فترة الخطوبة

هنا تاتى الامر الغريب

بالصدفة يقرا صابر الطيب كتاب الدستور ليعلم

ان كل الممتلكات العامة هى ملك للشعب

و بالتالى يمكنه التصرف فيها كما يشاء

و هننا تتبدا الغرابة

يفكر صابر الطيب ببيع ممتلكاته الخاصة اللى هى عامة بس ملك للشعب

م.م.ع

وتبدأ عمل توكيلات لصابر الطيب من المصريين

لاتاحة الامكانية من التصرف فى الممتلكات العامة ولا بد ان تصل النسبة فوق 50% من التوكيلات لصابر

الغريب ان النسبة فعلا تتعدى 50 %

طيب السؤال بقى

اللى عشان خاطرة حكيت قصة الفيلم دى كلها

هل فعلا نحن المصريين ممكن نبيع ارض بلادنا واصولنا الانتاجية للاجانب(دة لو عرفنا)لو حرف شعلقه فى الجو"

ياترى الفقر و الجوع و الحياة الصعبة ممكن توصلنا لكدة؟

وياترى لو عملنا كدة يبقى احنا بنرجع الاستعمار مرة اخرى لبلدنا

و يكون الضحايا اللى استشهدوا زمان من اجل الحصول على حريتنا من الاستعمار ارواحهم راحت هدر ؟

طيب و ياتري الخصخصة اللى بتحصل ف البلد دلوقتى

و بيع البنوك و اصولنا الانتاجية مش تعتبر بيع لتراث و تفريط ف ممتلكات لينا

؟؟؟؟؟؟؟

سمعت اليوم نشرة الاخبار لاول مرة من فترة طوييييييلة

ان السيد\جمال مبارك بيقول لشباب الجامعات ان الخصخصة لم تبدأ بعد

و انها فائدة للبلد ببيع اصول لنا تدخل لنا اموال نستخدما و نستثمرها و ان الاصول اللى بنخصخصها بتتخصص تبعا لقوانين و ولو ائح؟

طيب يا ترى الكلام دة سليم؟

و لا هنعمل زى عواد الى باع ارضه و خسركرامته ؟؟؟؟

سورى اذا كان اول موضوع سياسي شوية بس اصلها كانت

لحظة تأمل ف الفيلم

لحظات ما اصعبها....هل صادفتك يوما؟

"ما أصعب أن تبكي بلا .. " دموع

" وما أصعـــــب أن تذهب بلا .. " رجوع

"وما اصعب أن تشعر .. " بالضيق

"وكأن المكان من حولك .. "يضــــــيق

***************

مااصعب ان تتكلم بلا صوت

ان تحيى كى تنتظر الموت

مااصعب ان تشــــعر بالســـــــأم

فترى كل من حولك عـدم

ويسودك احساس الندم على

إثــم لا تعرفه ....وذنب لم تقترفه

**********************

ما اصعب ان تشعربالحزن العميق

وكأنه كامـنٌ فى داخــلك ألـــم عريــــق

تستـــكمل وحــدك الطــريــق

.. بلا هـدفٍ ... بلا شــريكٍ ... بلا رفيــقٍ

وتصير انت و الحزن و الندم فريق

وتجد وجهك بين الدموع غريق

و يتحــول الأمــل البــاقى الى.... بريـق

************ ******

مااصعب ان تعـــيش داخــل نفـــسك وحيـد

بلا صديــــقِ ... بلا رفيـــــقِ ... بلا حبيـــبِ

تشعر ان الفرح بعـيد..

تعانى من جــــرح .. لا يطــيب

جـــرح عمـيق.. جـــرح عنـيد..

جـــرح لا يـــداويــه طبيـــب..

************ *

مااصعب ان تــرى النـــور ظـــلام

مااصعب ان تـــرى السعادة اوهـام

وانت وحيد حـيران

**************************

منقول

اعتقد ان اللحظات دى كتير منا مرت عليه

كتير منا عاشها

كتير منا عانى نها

كتير منا فرح بيها

عشان كدة مدونتى هى

الحياة لحظة

لان حياتنا ما هى الا لحظات على انفسنا

لحظات تمر بنا

لحظات نمر بيها

لحظات نؤثر فيها

لحظات تؤثر فينا

لحظات تهدم حياتنا

لحظات تغيرفكرنا

لحظات تغير شعورنا

وما اكثر اللحظات

فابقوا مع لحظاتى

روناتا